Valon Berisha, kampion me Salzburgun në Austri

Salzuburgu është kampion i futbollit në Austri. Të shtunën në mbrëmje në lojën e zhvilluar kundër Sturm Graz, e cila përfundoi me rezultat 1-1, ekipi i “Red Bull Salzburg” fitoi për të tretën herë radhazi titullin kampion.

Meritat më të mëdha për këtë fitore i takojnë futbollistit kosovar, Valon Berisha. Në minutën e 15-të, nga një distancë prej 25 metrash Valoni shënon një euro gol, që shumë rrallë ndodh në kampionatin austriak, raporton albinfo.ch.

Njëzet minuta pa përfunduar ndeshja, Bright Edomwonyi barazoi rezultatin për Sturm Graz, por edhe një pikë e fituar i mjaftonte Salzburgut që të shpallet kampion.

Valon Berisha është 23-vjeçar, me prejardhje nga Podujeva, por është pjesë e përfaqësueses norvegjeze. Në synimet e tij është Bundesliga gjermane, ndërsa ekipi i preferuar është Borussia Dortmund.

Më pranimin e Kosovës në UEFA, ai më herët ka thënë se ndoshta një ditë mund të veshë edhe fanellën e përfaqësueses së Kosovës.

Albinfo.ch