Valon Berisha, i lumtur me paraqitjen e tij

Valon Berisha është rikthyer në Lazio dhe tashmë ai ka treguar se është gati për sfidat e radhës.

Kosovari luajti sot për 45 minuta për lazionët dhe se kjo paraqitje i ka dhënë frymëzim atij që gradualisht të kthehet në formën e tij më të mirë.

“45 minuta të mira sot, i lumtur dhe i bekuar për kthimin tim në fushë dhe i kënaqur me punën që bëra”, ka shkruar ai.

Derisa ai ka shkruar edhe fraza të tjera si “beso në vetvete”, “asgjë nuk është e pamundur”, etj.

Valon Berisha ka vuajtur vazhdimisht prej lëndimeve sezonin e kaluar, derisa 4-6 muajt e fundit i kaloi në një proces rehabilitimi.

Ai tashmë pritet të jetë i gatshëm dhe do të jetë një aset i vlefshëm për Kosovën në ndeshjet e muajit shtator, kundër Republikës Çeke në stadiumin “Fadil Vokrri” në Prishtinë dhe kundër Anglisë në Southampton. /GazetaExpress/