Valmir Sylejmani drejt largimit nga Hannoveri, tri skuadra gjermane duan transferimin e tij

Valmir Sylejmani mund të largohet qysh në afatin kalimtar të janarit nga skuadra e tij aktuale Hannover 96.

Sulmuesi nga Kosova nuk ka pasur hapësira të shumta dhe largimi nga ky klub duket i pashmangshëm në janar.

Përkundër që nuk ka luajtur shumë me Hannoverin, Sylejmani është një futbollist me emër të madh në futbollin gjerman dhe ofertat për të nuk mungojnë.

Mediat e ndryshme në Gjermani kanë raportuar se për transferimin e sulmuesit gjilanas në garë tanimë janë tri skuadra, një nga Bundesliga 2 dhe dy të tjera nga Bundesliga 3.

SV Sandhausen është skuadra që ka shprehur interesim për ta mbajtur në Bundesliga 2 sulmuesin qendror.

Ndërkohë favoriti për të nënshkruar me gjilanasin është ish-skuadra e tij Waldhof Manheim që bën gara në Bundesliga 3.

Manheim janë duke kërkuar të futen në Bundesliga 2 dhe Sylejmani ka bërë mjaftë mirë me këtë skuadër ku duan rikthimin e tij, pasi gjilanasi shihet si hero nga tifozët e këtij klubi.

E skuadra e fundit që ka shprehur interesim për lojtarin është Viktoria Berlin që gjithashtu bën gara në Bundesliga 3.

Sylejmani këtë edicion ka zhvilluar gjashtë ndeshje për Hannoverin, por pa arritur të gjej golin. /Telegrafi/