Valmir Sylejmani do të largohet nga Manheim, drejt transferimit në Bundesliga 2

Sulmuesi kosovar, Valmir Sylejmani pritet ta bëjë një hap para në karrierën e tij.

Pasi për shumë vite ishte pjesë e Hannover 96, Sylejmani bëri një hap mbrapa duke u transferuar tek Waldhof Manheim në Regionaliga.

Forma e jashtëzakonshme e tij bëri që Manheim të siguroj ngjitjen në Bundesliga 3, ndërsa Sylejmani vazhdoi shkëlqimin edhe në këtë rang garash.

24-vjeçari përkundër që qëndroi për një kohë të gjatë jashtë fushave, këtë edicion ka shënuar tetë gola dhe ka bërë katër asistime në 18 takime.

Lojtari tani do të largohet nga Manheim si futbollist i lirë dhe ofertat për të nuk mungojnë.

Shumë skuadra nga Bundesliga 2 kanë shprehur interesim për të, por edhe nga elita e futbollit holandez Eredivisie.

Megjithatë sipas medieve gjermane më së afërmi për t’i siguruar shërbimet e reprezentuesit kosovar është Greuther Furth.

Gjithsesi në garë fuqishëm për lojtarin mbetet edhe ish-skuadra e tij Hannover 96, por gjatë javëve të ardhshme mbetet të shihet se ku do të vendos të transferohet Sylejmani. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).