Valentina Bunjaku Rexhepi: Kosova po bëhet me ushtri, çfarë gëzimi dhe lumturie kombëtare

Gjilan – Si deputete, po ndihem shumë fatlume dhe shumë krenare që do ta votoj shndërrimin e FSK-së në ushtri! Vetë dora do të shkojë tek “Yes”, për ushtrinë e Kosovës! Kosova po bëhet me ushtri, çfarë gëzimi dhe lumturie kombëtare, e jashtëzakonshme ka shkruar Valentina Bunjaku Rexhepi.

“Ishte ëndërr e presidentit historik Ibrahim Rugova, me vizionin për pavarësi e ushtri të Kosovës! Ju kujtohet kënga e famshme e Adelina Ismajlit “Ushtrinë time do ta bëj me…”, por ja që njeriu që punoi më së shumti, e mori herët vdekja e kobshme! Kosova me ushtrinë e saj do të jetë shtet në harmoni të plotë me SHBA-të, superfuqinë e botës! Sot Amerika po bëhet mbështetësja vendimtare për ushtrinë dhe Kosovën e pavarur! Faleminderit shumë e shenjta SHBA! Faleminderit shumë veteranë që vërtet ishit pjesëtarë të UÇK-së! Urime qytetarë dhe miqtë e mi ushtria e Kosovës! Shumë gëzim e na ruajtë Zoti djemtë e vajzat e ushtrisë më të re në botë! Sukses i jashtëzakonshëm dhe e drejtë e çdo shteti të pavarur! Urime 1000 herë ky çast historik” ka shkruara deputetja Valentina Bunjaku Rexhepi./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).