Valencia 3 muaj pa fitore, Neville 8 ndeshje, “fundoset” Mustafi me shokë
RajoniPress
08:53, 8 Shkurt, 2016
Skuadra e madhe spanjolle, Valencia po vazhdon të përballet me krizën më të madhe viteve të fundit. Janë bërë dje pikërisht 3 muaj që kur Valencia e kishte arritur fitoren e fundit në La Liga kur e kishte mposhtur Celta Vigon.
Që nga atëherë, Valencia në 12 ndeshje ka pësuar pesë humbje dhe ka arritur shtatë barazime.
Ardhja e Gary Neville në krye të pankinës duket se ka qenë momenti fatal për skuadrën e Shkodran Mustafit. Neville në tetë ndeshje nuk ka arritur asnjë fitore duke e fundosur skuadrën spanjolle.
Nga një skuadër që pritej të futej në garë për titull pas 90 milionë euro investimesh në transfere, Valencia tani duhet të luftojë për mbijetesë./Indeksonline/.
