ARKATANA

Valdet Rama kërkohet në Zvicër

/ 1 minutë lexim

Valdet Rama duket se karrierën e tij futbollistike do ta vazhdojë në Zvicër.

Reprezentuesi i Kosovës, Valdet Rama, pritet që të braktisë skuadrën suedeze Orebro gjatë afatit kalimtar të janarit, ndërsa ai është në bisedime me një skuadër zvicerane, njoftojnë mediat kosovare.

Mobi Casa

“Është e vërtetë që një skuadër zvicerane është e interesuar për të. Kemi pasur bisedime fillestare dhe të shohim se çfarë do të ndodhë më pas”, ka thënë drejtori sportiv i Orebros, Magnus Skoldmark.

Rama ka kontratë me Orebron deri në verë të këtij viti. Orebro nuk ka arritur të sigurojë mbijetesën në elitën e futbollit suedez. Pjesë e Orebros është edhe sulmuesi kosovar Shpëtim Hasani. Rama edicionin e fundit luajti 21 ndeshje kampionale për Orebron dhe shënoi dy gola e një asistim.(albinfo)