Vajza që dikur i thonin ‘je si çun’, është ndër më të bukurat e Shqipërisë

Ishte vetëm 16 vjeç, Nevina Shtylla kur u shpall “Miss Shqipëria 2010”.

Vajza e re dhe shumë simpatike prej kohësh ka nisur rrugën drejt suksesit dhe duket se po i ecën mjaft mirë.

Talenti dhe puna e madhe janë çelësi i suksesit për të. Në një intervistë për Who, Nevinën ka treguar detaje për veten që ne pak i dinim.

-Piktura është një nga pasionet e mia më të mëdha. E kam lënë pak pas dore kohët e fundit për shkak të ngarkesës në punë, por sa herë e praktikoj më shërben si antistres.

-Kur kam qenë në klasën e 5-të u regjistrova në kursin e baletit të Llaqi Nako dhe u bëra pjesë e trupës së baletit të ‘Gjeniut të Vogël’. Ndoshta ka qenë e shkruar që atëherë se do të isha pjesë e ‘Klan’ në të ardhmen.

-Këtë ndoshta e dinë shumë njerëz që më njohin përtej ekranit. Në përditshmëri përdor syze optike dhe pse kjo në ditët e sotme nuk është diçka e rrallë.

-Flokët e mia nuk janë të drejta, por kaçurrela. Edhe këtë e kanë zbuluar ata persona që takoj më shpesh. Është pak e vështirë t’i menaxhosh në ekran ndaj zgjedh t’i mbaj më shpesh të drejta.

-Unë gjithashtu kam një vëlla të madh. Kemi dy vite diferencë dhe kjo ndoshta ka ndikuar në ato zënkat e shpeshta në fëmijërinë tonë. Por tani them se është kthyer në krahun tim të djathtë e i besoj këshillës së tij në shumë vendime që marr.

-Mbështes adoptimin. Ndoshta për disa është një koncept që nuk do ta pranonin kurrë, por mua më duket diçka e bukur dhe jo vetëm në rastet kur për arsye biologjike nuk mund të bësh fëmijë vet. Mendoj se në të ardhmen do ta bëj një zgjedhje të tillë.

-Jam prezantuese në TV prej disa vitesh, por studimet i kam përfunduar për Tik (Teknologji informacioni e komunikimi). Një degë sa e bukur aq edhe e komplikuar por që sot është e ardhmja.

-Në moshë më të hershme nuk kam qenë aspak një fëmijë simpatik. Përkundrazi, mami më ka thënë dikur se mi ka shpuar veshët për të vënë vëth që kur isha 3 vjeç sepse kur e ndalonin në rrugë e pyesnin gjithnjë: Si i ke çunat?

-Udhëtimi i parë i largët, përtej kufijve të Shqipërisë ka qenë në Korenë e Jugut për të marre pjesë në një konkurs bukurie. Sapo kisha mbushur 16-vjeç dhe udhëtoja krejt e vetme. Ka qenë një eksperiencë e sikletshme edhe pse isha shume entuziaste, ndaj e mora si një mini aventurë.

-Tani nuk do ta pranoja me lumturi të madhe këtë gjë por djali i parë që kam pëlqyer ka qenë Nick Carter i ‘Backstreet Boys’. Pavarësisht se nuk besoj se kam qenë e vetmja vajzë në botë që ka përjetuar njëfarë dashurie platonike për të.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).