Vajtimi i Gollakut

Teksti, muzika dhe interpretimi : Demir Krasniqi

N’ mbarë Gollakun po vajtojnë mollat –
Vaj medet , kush na i mbylli shkollat ?!
N’ mbarë Gollakun po vajtojnë mësimdhënësit –
Vaj medet , kah na shkuan nxënësit ?!

N’ mbarë Gollakun po vajtojnë pusit –
Vaj medet , kah na shkuan mësuesit ?!
N’ mbarë Gollakun po vajtojnë sirtarët –
Vaj medet , kah na shkuan arsimtarët ?!

N’ mbarë Gollakun po vajtojnë llullat –
Vaj medet , kush na i mbylli kullat ?!
N’ mbarë Gollakun po vajtojnë duhanet –
Vaj medet , kush na i mbylli hanet ?!

N’ mbarë Gollakun po vajtojnë bregoret –
Vaj medet , kah na shkuan shitoret ?!
N’ mbarë Gollakun po vajtojnë fytyrat –
Vaj medet , kush na i mbylli zyrat ?!

N’ mbarë Gollakun po vajtojnë pishtarët –
Vaj medet , kah na shkuan zyrtarët ?!
N’ mbarë Gollakun po vajtojnë fansat –
Vaj medet , kush na i mbylli ambulancat ?!

N’ mbarë Gollakun po vajtojnë hendekët –
Vaj medet , kah na shkuan mjekët ?!
N’ mbarë Gollakun po vajtojnë arët –
Vaj medet , kah na shkuan lavërtarët ?!

N’ mbarë Gollakun po vajtojnë livadhet –
Vaj medet , kah na shkuan kosëtarët ?!
N’ mbarë Gollakun po vajtojnë bletarët –
Vaj medet , kah na shkuan kopshtarët ?!

N’ mbarë Gollakun po vajtojnë zabelet –
Vaj medet , kah na shkuan delet ?!
N’ mbarë Gollakun po vajtojnë kullotët –
Vaj medet , kah na shkuan lopët ?!

N’ mbarë Gollakun po vajtojnë trojet –
Vaj medet , kush na i shteri krojet ?!
N’ mbarë Gollakun po vajtojnë burrat –
Vaj medet , kush na i shteri gurrat ?!

N’ mbarë Gollakun po na vajtojnë blirët –
Vaj medet, kah na shkuan mysafirët ?!
N’ mbarë Gollakun po vajtojnë kajsitë –
Vaj medet , kah na shkuan miqësitë ?!

N’ mbarë Gollakun po na vajtojnë lagjet –
Vaj medet , kah na shkuan magjet ?!
N’ mbarë Gollakun po na vajtojnë kodrat –
Vaj medet , kah na shkuan sofrat ?!

N’ mbarë Gollakun po na vajtojnë mushqit –
Vaj medet , kah na shkuan krushqitë ?!
N’ mbarë Gollakun po na vajtojnë puset –
Vaj medet , kah na shkuan nuset ?!

N’ mbarë Gollakun po vajtojnë basmat –
Vaj medet , kah na shkuan dasmat ?!
N’ mbarë Gollakun na kanë humbur shpresat –
Vaj medet , kah na shkuan fejesat ?!

N’ mbarë Gollakun na kanë humbë fortesat –
Vaj medet , kah na shkuan martesat ?!
N’ mbarë Gollakun po vajtojnë oxhaqet –
Vaj medet , kah na shkuan konaqet ?!

N’ mbarë Gollakun po na vajtojnë kodrat –
Vaj medet , kah na shkuan odat ?!
N’ mbarë Gollakun po vajtojnë qershitë –
Vaj medet , kah na shkuan shtëpitë ?!

N’ mbarë Gollakun vajtojnë bletët n’ hoje –
Vaj medet , kujt ia lamë këto troje ?
N’ mbarë Gollakun po na vajtojnë qarret –
Vaj medet , ku na mbetën varret ?!

Gjilan, më 18.08.2020 vj. Demir KRASNIQI