Vaji i ullirit parandalon pikën në tru

Mënyra mesdhetare e ushqimit, e cila nënkupton përgatitjen e gjellëve me vaj ulliri dhe një konsumim të madh të peshqve, marrjen e rregullt të pemëve me gëzhojë, një konsumim më të vogël të kripës dhe lënien e duhanit, janë bazat e Shoqatës amerikane për mbrojtjen e zemrës, si dhe për parandalimin e pikës në tru.

Bëhet fjalë për preferencat për preventivë primare, e cila ka të bëjë me persona, të cilët ende nuk kanë pësuar infarkt të trurit, transmeton gazeta Kosova Sot Online.

Ekspertët po ashtu theksojnë se, të paktën një herë në vit, duhet vizituar mjekun për ta kontrolluar shtypjen e gjakut, i cili, nëse është lehtësisht i ngritur, duhet mjekuar dhe duhet shtuar aktivitetin fizik, duhet praktikuar një të ushqyer të shëndetshëm dhe duhet mbajtur peshën adekuate trupore.

Ata që kanë shtypje të lartë të gjakut, do të duhej që rregullisht ta masin atë me aparat adekuat në shtëpi. Nëse terapia nuk bën punë, apo nëse pacienti ka efekte të padëshirueshme anësore nga ilaçet, atëherë gjithsesi duhet konsultuar mjekun specialist.

(Kosova Sot)

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).