Vaj e lot n’ Malësi t’ Gollakut
RajoniPress
16:41, 10 Qershor, 2016
Po këndon qyqja, këndon turreci – Gurë e dru po qanë Zajçeci ! Shkolla ime mbeti shkret – Nuk ka nxënës, populli u tret !…
S’ ka xhami, as s’ ka shitore ,
Nuk mund del dimrit prej bore ,
Nuk tymon kund n’ shpi oxhak ,
Nuk ke kund të bësh konak !
Po vajton mbarë Kremenata –
S’ ke ku mbushë ma ujë me kënata !
Kroje e gurra u shteruan ,
Shpi e troje u shkretuan !…
Krejt katundi mbeti thatë –
S’ ke ku shkon me bujte një natë !
Shkolla ime mbeti shkret –
Nuk ka nxënës , populli u tret !…
Në qetësi ka ra krejt Sfirca –
Nuk ka fyell , nuk ka bishtnica !
Shkolla e saj u rrëzua krejt –
Nuk ka nxënës , populli u tret !
Edhe xhamia u rrënua –
Pa xhematë seç u tmerrua !
S’ ka ezan , as s’ ka imam ,
N’ këtë Malësi ma s’ ka Bajram!
Vaj e mall është mbushë dhe Gëmica –
S’ bien kavall , fyell , as grimca !…
Shkolla e saj ka mbet e shkretë –
Populli e nxënësit krejt kanë tretë !
Lagja e Korçajve ka mbet thatë –
S’ ke ku shkon me bujte një natë !
As te Lecajt , as te Matoshi –
S’ gjendet ma hambari , as koshi !…
I njëjti fat është në Meshinë –
Mall e ke me i pa fëminë !
Shkolla është , por fëmijë nuk ka –
Banka e dërrasa thatë kanë ra !
Edhe atje ke me u trishtua ,
Se xhamia është rrënua !
Kush për te s’ është kujdesua –
Sado pak me e rinovua !
N’ ato kodra ec e ec –
Mezi mbërrina n’ Gjyrishec !
Edhe atje populli u tret –
Shumë shpejt shkolla do t’ mbes shkret !
Dy – tre nxënës përroskë mbas përroskës –
Der’ sa t’ mbërrijnë në shkollë t’ Lisockës !
Edhe atje nxënës kanë mbet pak ,
Rrallë ndokund tymon oxhak !
Gjëmë e vaj n’ Zhujë e n’ Shahiq –
Atje nxënës ma nuk ka hiq !
I njëjti fat është në Lajçiq –
Atje s’ ka ma nxënës , as miq !…
Në Dazhnicë e në Magure –
Dikur mbathnim opinga lëkure !
Nëpër kodra n’ Velegllavë –
Shpeshherë vinin ujqit llavë !
Gjilan, më 08.06.2016 . Demir Krasniqi
