Uta Ibrahimi vazhdon ekspeditën e ngjitjeve, gjendet afër Everestit, por do të provojë Majën e Lhotses

Alpinistja më e mrekullueshme shqiptare, Uta Ibrahimi po vazhdon ekspeditën e saj të ngjitjes në majat më të larta në Botë.

Ajo sot përmes një postimi në rrjetet sociale ka treguar se është afër të ngjitet në majën e katërt më të lartë në tokë, Maja e Lhotse (8516m), shkruan IndeksOnline.

Para se të ngjitet në këtë majë, Ibrahimi përgjatë 15 ditëve, ka bërë disa ngjitje dhe kalime të larta: Maja e Sunder (5300m), Gokyo (5460m), Labuche Peak (6119m) dhe La Pas (5400).

Për momentin, Uta gjendet në Kampin Bazë të Lhotses, i cili poashtu shërben për ngjitjen në Everest, kjo e fundit një aventurë e arritur tashmë nga kosovarja.

Në rast se Uta e kalon edhe Majën e Lhotses, atëherë do të bëhej gruaja e parë në Ballkan, që ngjitet në këtë mal!./IndeksOnline/