Ushtrimet fizike ju ndihmojnë për të qetësuar dhimbjen e kokës

Hulumtimi më i ri na tregon se si ushtrimet mund të jenë po aq të mira sa ilaçet që përdoren për migrenën.Hulumtuesit nga akademia “Sahlgrenska” në Suedi kanë arritur në përfundimin se ushtrimet fizike bëjnë shumë mirë për migrenën në krahasim me ushtrimet qetësuese apo ilaçet.

“Ushtrimet fizike janë një alternativë e ushtrimeve qetësuese apo ilaçet kur vihet në pikëpyetje parandalimi i migrenës”, thuhet në deklaratën e hulumtueses kryesore.

Në hulumtim janë përfshirë 91 pacientë që vuajnë nga migrena. Një e treta e tyre kanë ushtruar 40 minuta nga tri herë në javë në mbikëqyrje; një e treta kanë bërë ushtrimet qetësuese, ndërsa një e treta kanë marrë ilaçet topiramate.

Hulumtimi ka zgjatur tre muaj, periudhë gjatë së cilës është përfshirë gjendja e migrenës te pacientët, mënyra e cilësisë së jetesës, ushtrimet e aerobisë dhe niveli i aktivitetit fizik. Të gjitha këto u matën para, gjatë dhe pas trajtimit. Rezultatet kanë qenë të ndryshme.