Ushtria e thërret, karriera s’e pret

Përparim Hetemaj ka arritur ta heq një ‘gajle’ nga koka e tij, të paktën për këtë vit. Mesfushori kosovar ka shmangur shërbimin ushtarak në Finlandë për këtë vit, duke u rikthyer në Itali, për t’ia filluar fazën përgatitore me skuadrën e Chievos.

Duke folur për Tribuna, Hetemaj ka thënë se është në kërkim të një zgjidhje për këtë problem, pasi nuk ka një vit kohë për të humbur në shërbimin ushtarak finlandez.

“Nëse e ke nënshtetësinë e Finlandës atëherë je i detyruar ta kryesh shërbimin ushtarak. Unë pak kohë më parë isha në Finlandë për ta zgjidhur këtë problem. Arriti që t’i shmangem shërbimit për këtë vit, mirëpo duhet të shoh për ndonjë zgjidhje vitin e ardhshëm”, u shpreh Hetemaj (Tribuna).