Ushtria e njëanshme prish marrëdhëniet e Kosovës me NATO-n

“Nëse mandati i FSK-së evoluon në mënyrën që është propozuar, atëherë NATO-s do t’i duhet që ta rishikojë nivelin e angazhimit të saj, sidomos në aspektin e ndërtimit të kapacitetit”, thotë në intervistën për “Kosova Sot” komandanti i KFOR-it, gjeneralmajor Giovanni Fungo.

KFOR-i mbetet garanci e paqes dhe sigurisë.

“Nëse mandati i FSK-së evoluon në mënyrën që është propozuar, atëherë NATO-s do t’i duhet që ta rishikojë nivelin e angazhimit të saj, sidomos në aspektin e ndërtimit të kapacitetit”, thotë në intervistën për “Kosova Sot” komandanti i KFOR-it, gjeneralmajor Giovanni Fungo, raporton Gazeta Kosova Sot.

“Kosova Sot”: Si e vlerësoni situatën e sigurisë aktualisht në Kosovë dhe sa është i angazhuar KFOR-i në mbajtjen e paqes dhe stabilitetit, sidomos në veri dhe deri kur mendoni se i duhet Kosovës KFOR-i?

Gjeneralmajor Giovanni FUNGO: Situata në Kosovë është stabile, përkundër disa tensioneve, të cilat i kemi parë kohët e fundit. KFOR-i mbetet në tërësi i përkushtuar ndaj mbështetjes së një Kosove paqësore, stabile dhe multietnike, sipas mandatit të Rezolutës 1244 të KS të OKBsë. Gjatë disa viteve të fundit ne kemi parë shenja inkurajuese kah normalizimi. Roli i KFOR-it ishte dhe mbetet esencial në ofrimin e ndihmës që Kosova të bëhet stabile, demokratike, multietnike dhe paqësore.

“Kosova Sot”: Çfarë raportesh dhe bashkëpunimi keni me fqinjët e Kosovës dhe si e vlerësoni bashkëpunimin që keni me Serbinë në mënyrë të veçantë?

Gjeneralmajor Giovanni Fungo: KFOR-i është i përkushtuar ndaj bashkëpunimit regjional. Raportet e KFOR-it me Forcat e Armatosura të Serbisë janë të shkëlqyeshme, të përqendruara në përmirësimin e një të kuptuari më të mirë, të një komunikimi efektiv dhe të një efikasiteti operacional.

Aleatët e NATO-s kanë shqetësime serioze rreth propozimeve të fundit për transformimi e FSK-së

“Kosova Sot”: A është e gatshme FSK-ja të bëhet ushtri dhe a është konsultuar KFOR-i për nismën e presidentit që të themelohet ushtria?

Gjeneralmajor Giovanni Fungo: Sikur që deklaroi sekretari i përgjithshëm i NATO-s më 8 mars, aleatët e NATO-s kanë shqetësime serioze rreth propozimeve të fundit nga autoritetet kosovare, për transformimin e FSK-së në forca të armatosura, pa ndryshime kushtetuese. Hapat e njëanshëm sikur këta nuk janë të dobishëm dhe sekretari i përgjithshëm ka apeluar te Kosova që ta koordinojë çdo iniciativë me bashkësinë ndërkombëtare.