“Ushtria” e Kosovës mbetet pa municion

Forca e Sigurisë së Kosovës këtë vit nuk mund të blejë pushkë të standardizuara, municion, cisterna të veta për derivate, largues kontejnerësh apo automjete jo-taktike

Përveç kësaj, shumë projekte të saj si ndërtime palestrash brenda kazermave, apo pista për helikopterë në Prishtinë e Ferizaj, vazhdojnë të bartën si projekte nga viti në vit. Paratë për to nuk po gjenden.

Rishikimi i buxhetit për gjysmën e dytë të këtij viti dhe miratuar nga Qeveria e Kosovës në muajin qershor, ka detyruar Forcën e Sigurisë së Kosovës dhe Ministrinë e kësaj force të shkurtojnë edhe më shumë shpenzimet (Tribuna).