Ushqimi veror që mbron shëndetin

Pa shalqi dhe pjepër është vështirë që të imagjinohet vera, e përveçqë freskojnë dhe ushqejnë, përmbajnë edhe një varg të përbërësve të dobishëm që ndikojnë pozitivisht në shëndetin e organizmit, e ne jua sjellim dobitë që i sjell shalqiri.

REDUKTON RREZIKUN NGA KANCERI

Shalqiri përmban antioksidues dhe ata mund t’ju ndihmojnë që ta reduktoni rrezikun nga sëmurja prej kancerit. Një studim ka zbuluar që likopeni që gjendet në të mund t’i zvogëlojë qelizat e kancerit të prostatës. Mbron edhe nga kanceri i mitrës dhe vezores, veshkave, mushkërive dhe lukthit.

MBRON SHËNDETIN E ZEMRËS

Shalqiri ndihmon në mirëmbajtjen e shëndetit kardiovaskular, ndërsa vitaminat dhe mineralet që i përmban e forcojnë sistemin e imunitetit. Gjithashtu ndihmon në ulje të shtypjes së gjakut, ndërsa përmban edhe citrulinë, që ndikon pozitivisht në ulje të shtypjes dhe relaksim të enëve të gjakut, e kështu e përmirëson qarkullimin.

MBRON VESHKAT

Shalqiri u rekomandohet veçanërisht personave, që kanë probleme me veshka, sepse e nxit funksionimin e traktit urinar dhe shpëlan materiet e dëmshme nga kanalet urinare. Në këtë mënyrë shalqiri mbron shëndetin e veshkave dhe pastron shtresat shumëvjeçare, duke e përmirësuar funksionimin e tyre.

(Kosova Sot)