Ushqimi i papërpunuar, rrugë e sigurt për shëndet dhe jetëgjatësi

Ushqimi i pasur me pemë dhe perime të papërpunuara është rruga e sigurt drejt shëndetit dhe jetëgjatësisë. Njeriu, derisa e ka zbuluar zjarrin, ka konsumuar vetëm ushqime të freskëta, të papërpunuara.

SËMUNDJET – HELMIMI I TRUPIT

Shkaktari i sëmundjeve është vetëm një: helmimi i trupit. Ekziston vetëm një mënyrë e shërimit: heqja e helmeve. Sot, njerëzit ushqehen me ushqime të yndyrshme, ëmbëlsira, rreth 100 lloje të bukës të lyera me gjalpë, margarinë proshutë, djathë, e të gjithë këtë e shpëlajnë me kafe të zezë, birrë, verë dhe alkool. Ushqimi i freskët, i papërpunuar është rruga e sigurt e shërimit.

KANCERI – PASARDHËSI REAL I USHQIMIT TË ZIER

Si pasojë e ushqimit të zier e të pjekur, njeriu i civilizuar është shumë më i prekur nga sëmundjet në krahasim me kafshët, ndërsa që skleroza, diabeti, sulmi në zemër dhe kanceri me të madhe po shtohen. Qelizat e kancerit janë pasojë e drejtpërdrejtë e ushqimit të degjeneruar. Sëmundjet kalojnë dhe përparojnë ngadalë, deri në momentin kur zbulohen, e deri atëherë konsiderohemi të shëndetshëm. Më pas këto qeliza rriten me shpejtësi, duke shkatërruar gjithçka rreth tyre, e kjo quhet kancer, që është pasardhës i ushqimit të zier.