Ushqimet që ndikojnë pozitivisht në shëndetin e gojës

Ushqimi i mirë është çelësi i jetesës së shëndetshme. Doktoresha Gunita Singh shprehet se po aq e e rëndësishme është që të ruhet edhe higjena e gojës.

Sipas saj ka disa ushqime që sigurojnë vitamina shtesë dhe që ndikojnë në smaltin e dhëmbëve në mënyrë që të bëhen më të fortë dhe të shëndetshëm.

Ekspertët sugjerojnë edhe disa ushqime që janë shumë të mira për shëndetin e gojës dhe dhëmbëve.

Mollët

Një mollë në ditë mban mjekun larg. Kjo gjë vlen edhe për dentistët. Molla quhet një furçë dhëmbësh natyrale. Në fakt, të gjitha frutat e freskëta dhe perimet e papërpunuara si karota, selino dhe mollët kontribuojnë për dhëmbë të shëndetshëm. Ato mbajnë larg bakteret dhe bëjnë të mundur që goja të qëndrojë e pastër dhe e shëndetshme.

Luleshtrydhet

Luleshtrydhet përmbajnë acidin malik të enzimës zbardhuese dhe ndikojnë në zbardhjen e dhëmbëve.

Banane

Kur flasim për fruta, nuk mund të lihet mënjanë banania, e cila është e pasur me minerale të tilla si: kalium, magnez dhe mangan. Ky frut mund të bëjë mrekulli për shëndetin e përgjithshëm. Nëse përdorni lëkurën e bananes për të fërkuar dhëmbët tuaj për dy minuta çdo ditë, në dy javë, do të keni dhëmbë më të bardhë.

Patate e ëmbël

Patatja e ëmbël është një burim i pasur me vitaminë, i cili ndihmon në mbrojtjen e smaltit të dhëmbëve.

Perime me gjethe jeshile

Perimet me gjethe jeshile janë doza e shëndetshme e vitaminave si për mishrat, ashtu edhe për dhëmbët. Spinaqi është i pasur me vitaminë A, Vitaminë B2 dhe vitaminë B12.

Nënprodukte të qumështit

Qumështi dhe nënproduktet e tij ndikojnë në bardhësinë e dhëmbëve dhe në rindërtimin e smaltit të dhëmbëve.

Çaj jeshil dhe i zi

Çaji jeshil dhe çaji i zi përmbajnë polifenole që mbajnë larg bakteret nga dhëmbët.

Peshku dhe mishi

Ato janë të pasura me minerale dhe vitamina të rëndësishme. Janë një pjesë shumë e rëndësishme e çdo dietë dhe janë shumë të dobishme për të patur dhëmbë të shëndetshëm./tvklan.al