Ushqimet që ju kthejnë në formë pas festimit të Vitit të Ri

Ushqimet plot me kalori, ku dominojnë mishi dhe ëmbëlsirat, mund të sjellin telashe pasi tashmë kaloi nata e Vitit të Ri. Këtë më së miri e tregon peshorja.Për t’u kthyer në formën e mëparshme, nutricistët sugjerojnë t’i përfshini më shpesh këto ushqime në menynë tuaj.

VEZËT

Vezët janë plot me proteina, vitamina B12 dhe D, riboflavinë dhe acid folik, andaj ulin rrezikun nga sëmundjet e zemrës. Përgatisni omëletë me perime për t’u furnizuar me fibra.

SPINAQI

Spinaqi është përplot me vitaminën B2, i cili ndihmon në luftën kundër yndyrës, sëmundjeve dhe infeksioneve. Më së miri është ta hani të papërpunuar ose të zier në avull.

UTHULLA

Uthulla në sallatë ju ndihmon të shmangni ngritjen e shpejtë të nivelit të sheqerit në gjak.

XHENXHEFILI

Xhenxhefili relakson muskujt e traktit tretës dhe liron nga gazrat. Nga kjo bimë mund të përgatisni çaj, sallatë ose “smoothie”.

JOGURTI

Fuqia e jogurtit të pasur me probiotikë mund të ndihmojë në tretjen e ushqimit. Bakteret e mira nga ky ushqim ndikojnë pozitivisht në tretje.

BANANET

Janë përplot me kalium, mund të zbutin efektin e kaliumit dhe ta ekuilibrojnë shtypjen e gjakut.

BOLLGURI

Me një pjatë bollgur në mëngjes do të konsumoni fibra, që ju ndihmojnë në uljen e kolesterolit.

ÇAJI I GJELBËR

Një gotë me çaj të gjelbër pa sheqer është përplot me antioksidues, ul kolestrolin e keq dhe normalizon shtypjen e gjakut.

FRUTAT ME LËVOZHGË TË FORTË

Konsumimi i tepërt i ushqimit e shton rreziku për sëmundje të zemrës. Bademi, arrat, kikirikët janë të pasura me aminoacidet omega-3, yndyrat jo të ngopura dhe me vitaminën E, që zvogëlojnë kolesterolin dhe mbrojnë arteriet.

PORTOKAJTË

Janë përplot me vitaminë C, që e mbrojnë sistemin imun dhe ndihmojnë në tretjen e yndyrave.

FARAT E LIRIT

Mund t’ia shtoni shujtës së gatshme, si flluskave apo sallatave të ndryshme, “smoothie”.

SALMONI

Është i pasur me aminoacidet omega 3 dhe me proteina që ndihmojnë në stabilizimin e sheqerit në gjak.

BROKOLI

Teprimi i shpeshtë në ushqim është çrregullim që ndërlidhet me depresion, kurse brokoli është i pasur me magnez që e ngrit disponimin.

(Kosova Sot)