Ushqimet që duhet t’i shmangni në vapë ekstreme: Ngarkojnë zemrën dhe enët e gjakut

Gjatë verës, zgjidhni ushqime të lehta për t’u tretur, me pak kalori dhe të freskëta.

Shmangni sasitë e tepërta të kripës, sheqerit, yndyrës dhe alkoolit, sepse të gjitha këto e ngarkojnë shtesë zemrën, rrisin tensionin e gjakut dhe mund të shtojnë rrezikun për incidente kardiovaskulare, sidomos te pacientët kronikë dhe personat e moshuar.

Gjatë muajve të verës, temperaturat e larta mund ta ngarkojnë shtesë zemrën dhe enët e gjakut, veçanërisht te personat që tashmë vuajnë nga tensioni i lartë apo probleme të sistemit kardiovaskular. Pikërisht për këtë arsye është me rëndësi t’i kushtohet vëmendje ushqimit.

Disa produkte mund të kontribuojnë në mbajtjen e lëngjeve në organizëm, rritjen e tensionit dhe madje edhe në shtimin e rrezikut për infarkt. Ja cilat ushqime duhet t’i shmangni ose t’i konsumoni në sasi shumë të vogla gjatë verës:

Ushqimet shumë të kripura

Kripa (natriumi) mban lëngje në trup dhe rrit tensionin e gjakut. Gjatë verës kjo mund të jetë veçanërisht e rrezikshme, sepse trupi tashmë humb elektrolite përmes djersës, ndërsa ngarkesa shtesë për zemrën mund të shkaktojë probleme, transmeton Telegrafi.

Shmangni:

▪ Prodhimet e mishit të tharë (suxhuk, proshutë)
▪ Djathërat e kripur (feta, kaçkavall, trappist)
▪ Supat industriale dhe ushqimet e gatshme instant
▪ Çipsat dhe ushqime të ngjashme për grimcim
▪ Ushqimet e yndyrshme dhe të fërguara

Ushqime të yndyrshme dhe të skuqura

Ushqimet e pasura me yndyra të ngopura rrisin nivelin e kolesterolit të keq (LDL) dhe kontribuojnë në bllokimin e enëve të gjakut, që në kombinim me vapën mund të shkaktojë probleme serioze të zemrës.

Shmangni:

▪ Patate të skuqura, pulë të fërguar, petulla të skuqura
▪ Ushqim të shpejtë (hamburgerë, byrekë, pica me djathë të yndyrshëm)
▪ Ushqime të përgatitura në vaj të thellë
▪ Sheqernat e rafinuara dhe ëmbëlsirat

Sheqernat e rafinuar dhe ëmbëlsirat

Gjatë verës, organizmit i duhen ushqime të lehta dhe freskuese, ndërsa ëmbëlsirat e ngarkojnë pankreasin dhe mund të shkaktojnë luhatje të menjëhershme të sheqerit dhe tensionit.

Shmangni:

▪ Ëmbëlsira me krem, torta, petulla të mbushura
▪ Pije të gazuara dhe energjike
▪ Akullore me shumë sheqer dhe aditivë artificialë
▪ Mishi i kuq në sasi të mëdha

Mishi i kuq në sasi të mëdha

Mishi i kuq tretet ngadalë dhe është i pasur me yndyra të ngopura. Në verë, kur organizmit i vështirësohet rregullimi i temperaturës, ky ushqim mund ta lodhë edhe më shumë trupin.

Kufizoni konsumimin e:

▪ Mishit të derrit, qengjit, viçit (veçanërisht pjesët e yndyrshme apo të skuqura)
▪ Alkooli

Alkooli

Shumë njerëz zgjedhin alkoolin si freskim gjatë mbrëmjeve të verës, por ai në fakt dehidraton organizmin, zgjeron enët e gjakut dhe mund të shkaktojë ndryshime të presionit të gjakut.

Kini kujdes me: birra, verë, kokteje – veçanërisht në diell ose pa marrjen e mjaftueshme të ujit

Në vend të tyre, zgjidhni:

▪ Frutat sezonale (shalqiri, pjepri, pjeshka)
▪ Perimet (kastraveci, domatja, speci)
▪ Drithërat integrale dhe të ziera
▪ Frutat e thata (në sasi të moderuar)
▪ Ujë i mjaftueshëm dhe lëngje natyrale pa sheqer të shtuar

/Telegrafi/