Ushqimet që duhet t’i konsumoni nëse qëndroni ulur
RajoniPress
07:36, 3 Tetor, 2017
Të qëndruarit ulur dëmton organizmin, thonë paralajmërimet e mjekëve, duke pohuar se qëndrimi ulur është po aq i dëmshëm sa edhe duhani, sidomos kur bëhet fjalë për inflamacionet në trup. Për fat të mirë, rrezikun mund ta ulni nëse çdo gjysmë ore ngriheni nga karrigia apo nëse i hani këto ushqime.
FRUTAT E MALIT
Konsumimi i rregullt i frutave të malit pakëson inflamacionet në trup falë llojit të flavonoideve që njëherësh ua jep edhe ngjyrën e errët. Boronicat kanë më së shumti flavonoide, po ashtu janë të pasura me vitamina C dhe resveratrol, përbërës që mposhtin radikalet e lira që shkaktojnë inflamacionet.
ANANASI
Kjo pemë përmban enzimën e fuqishme kundër inflamacioneve, bromelainën. Secila pjesë e ananasit përmban këtë enzimë, por pjesa më e madhe ndodhet në vetë kërcellin që nuk është edhe aq e këndshme për ta konsumuar. Përdoreni maksimalisht këtë pemë ekzotike.
VAJI I ULLIRIT
Sikurse ilaçi ibuprofen, edhe vaji i ullirit shkatërron inflamacionet duke parandaluar prodhimin e enzimave “COX-1 dhe “COX-2”. Yndyra më e mirë që e njohim ul rrezikun nga sëmundjet kardiovaskulare dhe ndihmon te humbja në peshë, por vetëm nëse konsumohet si duhet.
KURKUMA
Vetitë e saj shëruese kurkuma i ka në përbërësit e saj kurkuminë, e cila njihet për efektin e saj kundër inflamacioneve dhe kundër baktereve. Pos kësaj, është dëshmuar se kurkuma ndihmon te humbja në peshë, e kjo erëz, sidomos ndikon te humbja e indit yndyror së stomak.
HUDHRA
Hulumtime të shumta kanë dëshmuar se hudhra ndihmon edhe atje ku antibiotikët nuk munden, e më së miri do të ishte që para konsumimit ta qëroni dhe ta shtypni në mënyrë që përbërësit e tij shërues të aktivizohen. Mes të tjerash, hudhra ndihmon në rregullimin e sheqerit në gjak.
ÇAJI I GJELBËR
Falë përmbajtjes së lartë me polifenole, çaji i gjelbër ka përbërës të fortë kundër inflamacioneve, më shumë se secili lloj tjetër i çajit. Krahas kësaj, ndihmon edhe te humbja në peshë dhe ruajtja e peshës aktuale. Prandaj, çaji i gjelbër duhet të jetë pjesë e ushqimit tuaj.
