Ushqimet natyrale që parandalojnë humbjen e kujtesës

Megjithëse humbja e kujtesës ndërlidhet me moshën, plakjen, e vërteta është se ushqimi i mirë, ushtrimet fizike dhe heqja e disa shprehive të dëmshme e vonojnë këtë.

FRUTAT ME LËVOZHGË TË FORTË

Vajrat natyrale në frutat me lëvozhgë të fortë kanë veti kundër inflamacioneve që ndihmojnë trurin të qëndrojë në gjendje të mirë, duke luftuar humbjen e kujtesës. Përbërësit: Bajame (50 g), Kajsi (30 g), Arra (20 g). Përgatitja: Përzieni të gjithë përbërësit në një enë. Ne ju rekomandojmë t’i hani çdo ditë.

KAROTAT

Karotat janë të pasura me karotinë, që është e rëndësishme për shëndetin e trurit. Konsumimi i karotave ndihmon shmangien e humbjes së kujtesës dhe ndihmon të keni një mendje të shëndoshë. Çfarë të bëni: Për ta rifreskuar kujtesën tuaj, tentoni ta hani së paku një karotë në ditë, të papërpunuar apo të zier.

MOLLËT

Kjo pemë është e pasur me shumë hekur dhe me shumë vitamina. Lëvorja e mollës është e pasur me kuercetinë, që ndihmon problemet me kujtesën gjatë kohës së moshës së shtyrë. Çfarë të bëni: Nëse e konsumoni një mollë çdo ditë do të ndihmoni në forcimin e kujtesës. Mos harroni se mund ta shtoni edhe në përgatitjet e tjera.

BORZILOKU

Falë përbërësve qetësues dhe sedativ, borziloku është një ilaç natyral kundër stresit. Gjethet e tij përmbajnë substanca që ndihmojnë trupin për të pasur performanca të mira fizike dhe mendore. Në këtë rast, këto i gjeni në çajin nga borziloku Përbërësit: 1 lugë borzilok (5 g), ½ e gotës ujë (125 ml). Përgatitja: Valojeni ujin, shtoni borzilokun dhe e lini të pushojë për 3 minuta. Më pas, e hiqni nga pllaka e nxehtë dhe e lini të pushojë për 5 minuta. Pini gjysmë gotë çaj si ky pas secilës shujtë.

(Kosova Sot)