Ushqimet me ngjyrë të kuqe, të dobishme për shëndetin

Një numër i madh ushqimesh me ngjyrë të kuqe janë studiuar dhe është provuar se janë të shëndetshme për trupin e njeriut.

Ka shumë fruta dhe perime të kuqe që ju mund t’i zgjidhni dhe secila prej tyre sjell diçka ndryshe në tryezë.

Shumë fruta dhe perime me ngjyrë të kuqe janë të paketuara me antioksidues të fuqishëm e të shëndetshëm dhe antocianinë, duke ndihmuar trupin t’i luftojë radikalet e lira, toksina të dëmshme që çojnë në degjeneracion makular, si dhe disa lloje kanceri si p.sh. kanceri i prostatës, transmeton “Zeri.info”.

Gjithashtu ushqimet e kuqe mund ta mbrojnë trupin nga atakët dhe sëmundje të tjera kardiovaskulare pasi reduktojnë presionin e lartë të gjakut dhe nivelet e kolesterinës së keqe.

Domatja

Domatja është njëra nga perimet e kuqe më të preferuara nga njerëzit, përcjell “Zëri”. Ajo ndihmon shëndetin e prostatës dhe indet e gjirit.

Domatet përmbajnë likopen, i cili është “pigmenti predominant” në perimet dhe frutat me ngjyrë të kuqe.

Si një karoteonid likopeni shërben si një antioksidues potencial që lidhet me zvogëlimin e riskut të disa kancereve, si p.sh. kanceri i prostatës.

Qershia dhe boronica e kuqe

Qershia dhe boronicat e kuqe janë dy fruta të kuqe që gjithashtu mbajnë trupin të shëndetshëm. Qershitë janë të larta në fibra për shkak të lëkurës së tyre, si dhe shumë të pasura në vitaminë C dhe me kalium.

Dihet që vitamina C ndihmon në forcimin e sistemit imunitar dhe rezistencës kundra sëmundjeve dhe infeksioneve, ndërsa kaliumi luan rol në ruajtjen e balancës së kripërave dhe në shëndetin e zemrës, transmeton “Zeri.info”.

Ndërkohë, boronicat e kuqe njihen si parandaluese të ulcerës gastrointestinale dhe të kancerit.

Është zbuluar se boronicat e kuqe shkaktojnë vdekje të qelizave kancerogjene në laboratorë studimorë, si dhe ndalojnë bakteret të ngjiten në muret e trakteve urinare. /ZËRI/