Ushqimet dhe pijet për një fillim të shëndetshëm të ditës

Nëse bazohemi në thënien se ‘dita e mirë shihet në mëngjes’, atëherë ju sugjeromë që ditën ta filloni me ushqimet dhe pijet më të shëndetshme për organizmin tuaj. Ja lista e asaj se çfarë do të duhej të gjendej në menynë tuaj për shujtën e parë të ditës, transmeton gazeta Kosova Sot Online.

Lëngu i domates

Kjo perime është e pasur me likopenin antioksidues, për të cilin edhe shkencëtarët e kanë vërtetuar se zvogëlon rrezikun nga sëmundjet e zemrës dhe kanceri. Më i miri do të ishte lëngu i shtrydhur në shtëpi, por edhe ai që e blini sjell një ‘dozë’ shëndeti. Marrë parasysh se përmban pak sheqer në krahasim me lëngjet e tjera, po ashtu përmban edhe më pak kalori, 28 kalori në një gotë mesatare.

Vezët

Pos përmbajtjes së lartë të proteinave, që kanë domethënie vitale për funksionimin e trurit (sidomos kujtesës), vezët përmbajnë edhe tirozinë, aminoacid ky që mundëson prodhimin e hormoneve që përmirësojnë funksionet mendore si dhe mbajnë energjinë.

Buka integrale

Nëse buka e bardhë ndikon në fryrjen e stomakut tuaj si dhe në ndjenjën e mbipeshës në lukth, provoni bukën integrale. Ajo bëhet nga tharmi i bukës që përmban kultura probiotike, prandaj edhe tretet më lehtë. Pos kësaj, buka integrale përmban edhe indeks të ulët glikemik, që do ta ruajë ndjenjën e të qenit të ngopur deri në drekë.

Jogurti probiotik

Ky lloj i jogurtit është shumë i pasur me proteina, kalcium dhe vitamina B2 (si dhe me probiotikët të cilët ruajnë funksionin optimal të sistemit për tretje). Konsumimi i jogurtit të zakonshëm në orët e hershme të mëngjesit ka një përparësi të madhe në krahasim me llojet e tjera të jogurtit, pasi që ai nuk përmban sheqer.

Frutat e malit

Këto pemë, jo vetëm përmbajnë shumë pak sheqer, por aty mund të haset edhe sasia më e madhe e antioksiduesve, nëse matim me llojet tjera të pemëve. Marrë parasysh se mjedrat, dredhëzat, boronicat, manaferrat dhe llojet e tjera të këtyre frutave posedojnë shumë pak kalori, janë zgjedhje e duhur për zamër.

(Kosova Sot)