Ushqim para apo pas ushtrimeve? Shkencëtarët më në fund kanë një përgjigje

Është bërë një numër i madh i studimeve, për të parë nëse duhet të konsumojmë ushqim para apo pas ushtrimeve, shkruan CNN, transmeton Exress.

Sipas studimeve të para, ushqimi duhet ngrënë përpara ushtrimeve, për shkak se sasia e glukozës në gjak rritet, dhe muskujt dhe trupi në përgjithësi e rrisin fuqinë dhe intensitetin për të ushtruar më shumë. Nga ana tjetër, disa shkencëtarë thonë se nëse hani ushqim pas ushtrimeve, atëherë ju humbni peshë më lehtë.

Së fundmi, është bërë një studim i vogël me 30 meshkuj. Sipas studimit meshkujt, të cilët kanë ushtruar para se të hanë kanë humbur dy herë më shumë yndyrë.

Ushtrimet fizike para bukës, kishin ndikuar që muskujt e pjesëmarrësve të këtij studimi, të ishin më responsive ndaj insulinës, e cila e kontrollon sasinë e lartë të sheqerit në gjak, duke e zvogëluar edhe rrezikun e diabetit dhe sëmundjeve të zemrës.

Sipas ekspertëve, duhen ende studimeve të tjera, për të konfirmuar këtë teori 100%, mirëpo deri tani evidencat tregojnë se ushtrimi i aktiviteteve fizike përpara konsumimit të ushqimit është i mirë për shëndetin tuaj. /Express/