Ushqejeni trurin tuaj dhe forcojeni kujtesën dhe disponimin me këto ushqime
A jeni futur ndonjëherë në dhomë dhe keni harruar arsyen pse keni shkuar, apo a e keni harruar ndonjëherë emrin komplet të ndonjë mikut tuaj, përkundër faktit se e njihnit? Apo ndoshta keni harruar fjalëkalimin e telefonit? Shumica e njerëzve, për një gjendje si kjo e fajësojnë stresin dhe lodhjen, depresionin e ankthet.
Nëse edhe juve ju ka ndodhur kjo, e dëshironi ta përmirësoni kujtesën tuaj, bëjeni atëherë këtë përmes ushqimit, transmeton gazeta Kosova Sot.
PERIMET ME GJETHE TË GJELBRA (lakra jeshile, lulelakra dhe spinaqi )
Këto perime janë përplot me vitamina (C, K dhe vitaminat e kompleksit B) si dhe me minerale (kalcium, kalium, bakër, magnez, folate, mangan dhe zink) plus fibra dhe shumë nutriente të tjera.
PESHKU I YNDYRSHËM I UJËRAVE TË FTOHTA (salmoni, skumbri, harenga)
Këta peshq janë burimi më i mirë i mundshëm i drejtpërdrejtë për yndyrat e shëndetshme që e ushqejnë trurin, të quajtura aminoacidet omega-3.
VAJI I ULLIRIT (organik dhe i shtrydhur i ftohtë)
Ky lloj i vajit është i pasur me antioksidues dhe me kemikate të shëndetshme për trurin.
FARAT (farat e lirit, lulediellit dhe të susamit, farat çia)
Këto fara janë burim për aminoacide esenciale (EFA), sidomos me aminoacide omega 3, fitokemikate që veprojnë si imitues të hormoneve dhe antioksidues.
VAJI I KOKOSIT
Ky lloj i vajit është i pasur me yndyra të ngopura, plus ka funksion kundër inflamacioneve, baktereve dhe kërpudhave.
AVOKADO
Avokado është fryt i mbushur me vitamina, fibra, minerale dhe kryesisht me yndyra mono të ngopura.
PERIMET ME NGJYRA (patatet e ëmbla, karota, domatet)
Ngjyra e tyre e pasur tregon përmbajtjen e tyre të pasur me antioksidues, po ashtu janë burim i mirë për fibra, minerale, enzima dhe nutriente.
FRUTAT E MALIT (boronicat, mjedrat, dredhëzat)
Frutat e malit janë ushqim i duhur për trurin, pasi janë të mbushur me antioksidues, ndalojnë plakjen, luftojnë inflamacionet. Ekspertët theksojnë se frutat e malit mbrojnë trupin kundër kancerit.
(Kosova Sot)