USAID ka investuar 850 milionë dollarë në Kosovë

Drejtori i USAID-it James Hope ka thënë se agjencia që ai drejton, që nga viti 1999 e deri më tani ka investuar rreth 850 milionë dollarë në Kosovë, nga të cilat 15 për qind për komunitetet pakicë.

Hope në emisionin “Slobodno Srpski” ka thënë se programet e USAID-it kanë për fokus mbështetjen në tërë Kosovën, ndërsa me theks të veçantë programet orientohen në mbështetje të pakicave, grupeve në nevojë dhe gratë, transmeton lajmi.net.

“Programet e kanë një perspektivë kombëtare. Vlerësimi im i përafërt është se prej 850 milionë dollarëve, rreth 15 për qind e mjeteve janë orientuar te pakicat në Kosovë”, ka thënë Hope. /lajmi.net