USAID-i ndihmon Kamenicën në menaxhimin e aseteve komunale

Gjilan – Grupi Punues komunal për menaxhimin e aseteve-pronave komunale priti në takim njëditorë programin DEMI të USAID-it për të diskutuar dhe shqyrtuar mundësitë e menaxhimit më të mirë të aseteve-pronës së paluajtshme të komunës.

Drejtori i Kadastrit në komunën e Kamenicës Irfan Dërmaku në emër të grupit punues falënderoi programin DEMI të USAID-it për iniciativën dhe përkrahjen që po i ofrohet komunës e që ka një rëndësi të veçantë në interes të përgjithshëm komunal dhe për vlerat e mëtutjeshme që do të ketë komuna lidhur me menaxhimin e pasurisë së vet ku gërshetohen interesat e komunës dhe të gjithë qytetarëve.

Dërmaku tha se grupi punues komunal ka mbajtur disa takime në koordinim me ekipin e USAID-DEMI ku edhe kemi marrë disa hapa teknik për të bërë të gjitha përgatitjet e nevojshme.

Anëtarët e grupit komunal për menaxhimin e aseteve komunale janë: drejtori i Drejtorisë së Kadastrit, Xheodezisë dhe pronës dhe njëherit koordinator i grupit Irfan Dërmaku, Vesna Aleksiq anëtare , Arsim Keka anëtar , Qemajl Beqiri anëtar, Zijadin Thaqi anëtar , Ramadan Basha anëtar , Shaip Maliqi anëtar , Fisnik Kastrati anëtar.

Takimi në mes të komunës së Kamenicës dhe ekipit të programit DEMI në krye me Olga Kaganova eksperte pranë projektit DEMI, u diskutuan dhe u shqyrtuan mundësitë e ankandimit të pronave të paluajtshme komunale.

Përfaqësuesit e komunës së Kamenicës patën mundësinë të njoftohen më për së afërmi me Planin e Veprimit dhe hapat e rëndësishëm që duhen ndërmarrë për fillimin e procedurave të dhënies me qira të pronave komunale dhe u pajtuan që bashkërisht të punojnë në këtë drejtim. /rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).