USAID-i amerikan përkrah projektin për mobilizim dhe përfshirje të rinisë vitiase

Viti – Komuna e Vitisë dhe “Cooperative Housing Foundation” nënshkruajnë marrëveshje bashkëpunimi për realizim të projektit “Up To Youth”.

Komuna e Vitisë dhe Organizata “Cooperative Housing Foundation”, si partner kryesor i zbatimit të projektit “Up To Youth”, kanë nënshkruar sot një memorandum bashkëpunimi, me që rast palët pajtohen që të bashkëpunojnë në mobilizimin dhe përfshirjen e rinisë në komunën e Vitisë, në mënyrë domethënëse do të ndikojnë në ndryshime pozitive.

Projekti “Up To Youth” është aktivitet pesëvjeçar i financuar nga Agjencia e Shteteve të Bashkuara për Zhvillim Ndërkombëtar (USAID) dhe ka për qëllim mobilizimin e rinisë për të qenë forcë e ndryshimeve pozitive, zhvillimin dhe demonstrimin e shkathtësive të buta/jetësore për rininë, si dhe zhvillimin e ndërtimit dhe mbështetjen e partnerëve të qëndrueshëm për kultivimin e një mjedisi, ku rinia mund të përfshihen në mënyrë pozitive të dobishme.

Nga përfaqësuesit e kësaj organizate, u tha se përgjatë kësaj periudhe pesëvjeçare, “Up to Youth” do të punoj me komunat partnere për të përmbushur qëllimet që parasheh ky memorandum.

Kryetari i komunës Sokol Haliti theksoi se me këtë marrëveshje bashkëpunimi, synohet që të fuqizohet pozita e të rinjëve që përmes aktiviteteve të ndryshme të ndikojnë në zhvillim sa më të mirë të kësaj kategorie./rajonipress/