USAID-i amerikan i interesuar për të përkrahur Artanën

Gjilan – Gjatë takimit përfaqësuesit e USAID-it kanë prezantuar programin kompetent “AKT” dhe me këtë rast deklaruan se përmes këtij pyetësori do të tërhiqen rekomandime dhe prioritetet e Komunës së Novobërdës që USAID-i mund t’i financoj.

Në një takim pune që ka pasur Bordi i Drejtorëve të Komunës së Novobërdës me përfaqësuesit e USAID-it amerikan programi AKT janë prezantuar prioritetet dhe projektet e mundshme që USAID-i mund t`i financojë në këtë qytet raporton rajonipress.

Qëllimi i këtij takimi ishte plotësimi i pyetësorit për vlerësimin e kapaciteteve të Komunës, në kuadër të aksionit të USAID-it, programi AKT “Fuqizimi i kapaciteteve të Komunave”

Gjatë takimit përfaqësuesit e USAID-it kanë prezantuar programin kompetent “AKT” dhe me këtë rast deklaruan se përmes këtij pyetësori do të tërhiqen rekomandime dhe prioritetet e Komunës së Novobërdës që USAID-i mund t’i financoj.

Drejtorët e Drejtorive Komunale dhe Shefi i Zyrës Komunale për Kthim dhe Komunitete kanë bërë listën e projekteve me prioritet për Komunën e Novobërdës e cila i`u prezantua zyrtarëve të USAID-it.

Lista e projekteve me prioritet është bërë me qëllim të përmirësimit të kushteve jetësore të qytetarëve të të gjitha komuniteteve në territorin e Komunës së Novobërdës me theks të veçantë kategorisë së fëmijëve, rinisë, gruas dhe të të kthyerve./rajonipress/