Urtak Hamiti mohon skandalin

Ish-zyrtari më i lartë në shërbimin diplomatik të Kosovës në Kroaci, Urtak Hamiti ka mohuar të gjitha raportet e Policisë së Kroacisë dhe raportimet e mediave se është arrestuar në kryeqytetin kroat, se ka qenë i dehur dhe se është zvarritur nëpër rrugë.

Djali i nënkryetarit të Kuvendit, Sabri Hamiti, këto mohime i ka bërë të hënën para Komisionit Disiplinor në Ministrinë e Punëve të Jashtme në Prishtinë, i cili është mbledhur enkas për të.

Pavarësisht nga ajo që është parë e dëgjuar, Hamiti ka thënë se ndihet i pastër. Megjithatë, ai ka ditë që është tërhequr nga misioni diplomatik në Zagreb me vendim të ministrit Enver Hoxhaj.

Njëri nga anëtarët e Komisionit Disiplinor ka treguar për Tribunën me kusht anonimiteti se Hamiti i ka mohuar të gjitha raportimet në media për rastin e tij në Kroaci (Tribuna).