Urimi i Nagip Arifit me rastin e zgjedhjes së Hashim Thaçit, president i Kosovës

Kryetari i Komunës së Bujanocit, uron Hashim Thaçin për zgjedhjen si president i Republikës së Kosovës.

Në urimin e kryetarit Arifi thuhet: I nderuari z.Thaçi, në cilësinë e kryetarit të komunës së Bujanocit dhe Partisë Demokratike shpreh urimet më të përzemërta me rastin e zgjedhjes suaj për president të Republikës së Kosovës. Urojmë që gjatë mandatit tuaj presidencial edhe më tej të avancohet pozita shtetërore e Kosovës si dhe të shtohet mirëqenia dhe begatia për gjithë qytetarët e saj. Poashtu besojmë se në këtë mision tuajin nuk do të mungojë edhe përkushtimi për politikat rajonale e në radhë të parë për Luginën e Preshevës. Paçit fat dhe suksese në punën tuaj !

Me respekt, Nagip Arifi-kryetar i komunës së Bujanocit, njëkohësisht dhe kryetar i Partisë Demokratike./bujanoci.net/