RCCOLA

Urime…

/ 4 minuta lexim

Nga Arben Kurteshi – Kosova paska shënuar rritjen më të lart ekonomike në rajon me 4%, BPV URIME. Nëse e krahasojmë (Bruto Produktin Vendorë) BPV të Kosovës me 425€ për kokë banori/vit, me atë të rajonit për shembull me Malin i zi me 783€ për kokë banori/vit e kemi 47% BPV më të ulët se Mali i zi; dhe se me këtë vrull të rritjes ekonomike mund të barazohemi me BPV e sotëm të Malit të e zi pas 14 viteve!

Ndërsa pas 14 viteve Mali i zi me rritjen më të ulët se Kosova prej 3.7% do ta arrinë BPV për kokë banori/vit 1167€!

Për tu barazuar me ekonomin e Malit të zi me këtë rritje ekonomike na duhen afërsisht edhe një gjeneratë ndërsa me atë të Evropës minimum edhe 3-4 gjenerata çka nënkupton jo edhe ca dekada por minimum edhe një shekull!

A është ky zhvillim që e duam?
Vendi është zhvilluar dhe këtë nuk e mohon askush, por vendi është zhvilluar me atë vrull, me atë hov; sa mund të zhvillohet një vend me prioritet sekondar! Sa mund të zhvillohet një ekonomi e lënë pas dore!

Mobi Casa

Aq sa të ardhurat nuk mbulojnë nevojat personale elementare, dhe është zhvilluar aq shumë sa që Bruto Produkti Vendorë për kokë banori është më i ulëti në kontinentin evropian, dhe pas disa shteteve afrikane!

Pra, a është ky zhvillimi që NE E DUAM?
Asnjë investitor potencial nuk e merr hartën botërore para vete ta kërkojë se ku gjendet Kosova të vjen e të investoj aty!
Por, vetëm e vetëm me pro-aktivitet të përpilohen kushtet e nevojshme ligjore për investitorët potencial dhe bashkërisht me investitorët potencial në përputhshmëri me ligjet e Kosovës e ato ndërkombëtare; pra krijimin e draftit të „Shtratin ligjorë“ me barriera më të ulëta se vendet tjera; lumi investues mund të rrjedhë drejt vendit tonë më lehtë e më shpejt; dhe mund të krijohen gjithë ato vende pune që rinia jonë po i kërkon jashtë vendit!

Kapitali investues i cili po lundron rreth e rreth globin tonë, gjithherë po merr atë kahje dhe drejtim më lehtë e më shpejt drejt atyre shteteve ku barrierat ligjore janë më të ulëta.
Krijimi i kushteve të nevojshme ligjore dhe infrastrukturore për investitorët potencial, mund të sjellë investime të mëdha në vendin tonë, dhe mund ta kthen shpresën e rinisë për të punuar dhe zhvilluar vendin.

Vetëm atëherë kur arritja ekonomike është primare dhe vizioni i mendjes e ideali i zemrës mund të zhvillohet shteti ynë, përndryshe zhvillimi do të mbetet sekondarë dhe vendi do të zhvillohet me atë shpejtësi si në dy dekadat e fundit.
Edhe zhvillimi ekonomik fillon në kokë.
Kush do të arrinë pak, duhet pak të sakrifikojë.
Kush do të arrinë shumë, duhet shumë të sakrifikojë.
Madhësia e suksesit varet nga madhësia idealit të zemrës dhe vizionit të mendjes e veprimeve pasuese për arritjen e synimit, dhe duhemi që:

  • Zhvillimi ekonomik i vendit duhet të jetë në ekuilibër me ruajtjen ambientit dhe prioritet numër NJË.
  • Përpilimi i vizionit dhe planit ambicioz real zhvillimor 5 dhe 10 vjeçar.
  • Pro-aktivë identifikimi dhe kontaktimi i të gjithë investitorëve potencial nga institucionet tona dhe bashkërisht krijimin e të gjitha kushteve ligjore/infrastrukturore në përputhshmëri me ligjet tona dhe ato ndërkombëtare.
  • Gjetja dhe krijimi i sloganit të shkurtër konstruktiv ideatorë dhe vizionar që lidhë drejtpërdrejt synimin me cakun….për një të ardhme të bardhë.