Universitetet dhe kompanitë gjermane shprehin interesim për bashkëpunim me UBT

Me ftesë të institucioneve akademike dhe zhvillimore gjermane, rektori i UBT-së, prof. dr. Edmond Hajrizi është duke qëndruar për një vizitë disaditore në Gjermani, ku është takuar udhëheqës e akademikë të universiteteve dhe me udhëheqës të kompanive nga industri të ndryshme.

Tema bosht të këtyre takimeve ishin jetësimi i projekteve të përbashkëta në fushën e mjekësisë, teknologjisë, inovacionit, dizajnit, multimedias, etj., me ç’rast edhe i njoftoi për përparimet që ka bërë Kosova përmes UBT-së në secilën prej këtyre fushave.

Universitetet dhe kompanitë gjermane janë disa nga partnerët më të ngushtë të UBT-së, e falë bashkëpunimit, shumë anëtarë të stafit dhe studentë të UBT-së kanë pasur fatin ta njohin sistemin gjerman të punës dhe studimit.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).