“Unë kampioni yt, Kosovë”, Reagimi i Ballkanit pasi kaloi në grupet e Conference League

Ballkani ka arritur të futet në grupet e Conference League për vitin e dytë radhazi.

Kampioni i Kosovës eliminoi në play-off skuadrën nga Bjellorusia, Bate Borisov, me rezultat të përgjithshëm 4-2, shkruan IndeksOnline.

Skuadra suharekase në ndeshjen e kthimit e cila u zhvillua në Hungari, pësoi humbje minimale 1-0, por kaloi tutje pasi fitoi bindshëm javën e kaluar në stadiumin “Fadil Vokrri” në Prishtinë, me rezultat 4-1.

Pas këtij suksesei, Ballkani ka reguar me një postim në faqen zyrtare.

Në reagim thuhet se ata si i përfaqësuesit kryesorë të Republikës, luftuam pa rreshtur për shtetin dhe emblemën tonë reprezentative ku kanë dhënë gjithçka nga vetja, që flamuri ynë shtetëror të rreshtohet aty ku e ka vendin.

Postimi i plotë:

Unë kampioni yt, Kosovë

Për të dytin vit radhazi, e bëmë detyrën, për çka kemi punuar pa ndalur në asnjë moment.

Si përfaqësuesit kryesorë të Republikës, luftuam pa rreshtur për shtetin dhe emblemën tonë reprezentative.

Kemi dhënë gjithçka nga vetja, që flamuri ynë shtetëror të rreshtohet aty ku e ka vendin, në mesin e më të mirëve në UEFA Conference League.

Tani jemi më të lehtësuar, por aspak të vetëmjaftuar, pasi na pret përpara një rrugë edhe më e vështirë.

Faleminderit të gjithëve për mbështetjen, është koha jonë, koha e Ballkanit./IndeksOnline/