Ulni shtypjen e lartë të gjakut përmes ushqimit

Keni shtypje të lartë të gjakut, e dëshironi ta ulni në mënyrë natyrale, e jo vetëm me medikamente? Nëse është kështu, së pari duhet të kujdeseni në ushqim.

Dihet fare mirë se çfarë duhet të shmangni, e ja disa nga ushqimet që e ulin shtypjen e lartë të gjakut. Spinaqi – ky ushqim i pasur me kalium ndihmon në uljen e ndikimit të natriumit në organizëm, që mundet ta rritë shtypjen e gjakut, e kjo perime e gjelbër është shembulli më i mirë. Në 100 g përmban 558 mg kalium. Nga e njëjta arsye duhet të konsumoni edhe banane.

Blini edhe çokollatë me përqindje sa më të madhe kakao dhe hani dy rriska në javë. Sipas hulumtimit më të ri britanik, 200 gramë boronica në ditë e ulin më shumë shtypjen e lartë të gjakut se sa ilaçet. Dhe më së paku dy lugë vaj ulliri në ditë në masë të madhe e ulin shtypjen e lartë të gjakut. Qumështi dhe produktet tjera të qumështit po ashtu e ulin rrezikun për shfaqjen e hipertensionit, por mos i konsumoni ato të pasura me natrium.

(Kosova Sot)