Ukë Rugova mbrohet në liri, shoferi i tij në arrest

Asnjë veprim i Qefser Bahollit nuk përmendet në kërkesën e prokurorit Allen Censic për vazhdimin e masave të sigurisë në të cilën Ukë Rugova cilësohet si udhëheqës i grupit kriminal.

Mirëpo gjykata është kujdesur që Baholli, shofer i ish-deputetit Ukë Rugova, të mbahet nën masën e arrestit shtëpiak, ndërsa punëdhënësi të mbrohet në liri.

Masat i ka shqiptuar më 4 shtator gjyqtarja e procedurës paraprake, Anna Adamska-Gallant kundër gjithë të dyshuarve për skandalin e shitjes së vizave italiane Schengen. Asnjëri prej të dyshuarve nuk është më në paraburgim. /Koha Ditore/