Ukaj: Jo heshtjes, Po ndryshimit: Anamorava meriton të ardhme të ndritur

Gjilan – Me një energji të jashtëzakonshme dhe frymë rugoviane, Robert Ukaj, kandidati për deputet nga LDK në Viti, ishte pjesë e hapjes madhështore të fushatës së degës së LDK-së në Gjilan, nën organizimin e Lutfi Hazirit, lideri i Anamoravës dhe zëri i fuqishëm i qytetit në politikën kosovare.

Pjesëmarrja masive tregoi qartë se qytetarët e Gjilanit dhe Anamoravës nuk pranojnë më stagnimin dhe përjashtimin që kanë përjetuar për vite me radhë.

“Ne nuk do të heshtim përballë padrejtësive ndaj Anamoravës. Gjilani meriton investime, përfaqësim dhe të ardhme më të mirë për rininë tonë,” theksoi Ukaj.

Mes fjalimeve dhe thirrjeve për bashkim, u kujtua edhe veprimtari i madh Hafiz Gagica, një simbol i përpjekjeve kombëtare dhe përkushtimit për vendin.

Aktiviteti i mbrëmshëm dërgoi një mesazh të qartë: më 7 qershor vendoset për Kosovën, për Gjilanin, për Anamoravën dhe për një të ardhme të fortë dhe të ndritur për gjithë qytetarët./rajonipress/