“Ujqit e vjetër” nuk lëshojnë pe

Përfaqësuesit e partive politike në vend, nëpërmjet retorikës, vazhdojnë ta fshehin mungesën e demokracisë së brendshme. Ata me plot lëvdata thonë se ka demokraci të mjaftueshme në subjektet e tyre politike, ndërkaq themeluesit apo liderët e vjetër të partive i konsiderojnë të rëndësishëm. Mirëpo, njësoj nuk mendojnë edhe monitoruesit e funksionimit të subjeteve politike dhe njohësit e politikës.

Adem Grabovci nga PDK, vlerëson se PDK-ja, si partia më e madhe në vend, është shembull i demokracisë së mire, shkruan Kosova sot.

“PDK është një nga partitë që ka një demokraci të brendshme të zhvilluar, por ende nuk e ka demokracinë e mjaftueshme dhe është e angazhuar që ta zhvillojë edhe më shumë demokracinë e brendshme në jetën partiake”, ka theksuar Grabovci.

Shpend Kurasani, analist politik, mendon se partitë politike duhet të jenë më demokratike sesa që janë aktualisht, për arsye se nuk po mund të lirohen nga ata që janë më të vjetër në parti, të cilët partitë politike i konsiderojnë si pronë private./Kosova Sot/