Ujkanit nuk po i pritet për grumbullimin e radhës te Kosova

Kapitenit të Kosovës Samir Ujkanit, nuk po i pritet grumbullimi i radhës te Përfaqësuesja.

Ujkani ka kujtuar ndeshjen e parë me Kosovën kundër Haitit, e poashtu edhe kohën kur ishte pjesë e Shqipërisë.
“Me Shqipërinë ka qenë diçka fantastike, por te them të drejtën kur kam luajtur ndeshjen e parë me Kosovën kundër Haitit, ka pasur emocione, ka qenë diçka krejt ndryshe, sepse është vendlindja ime dhe nuk më pritet deri te ndeshja e ardhshme në qershor”, ka deklaruar Ujkani në një bisedë telefonike për emisionin sportiv ‘2:1’, transmeton Indeksonline.

I pyetur rreth kthimit në Kosovë të lojtarëve që përfaqësojnë shtete tjera, kapiteni është përgjigjur: “Çdo lojtar që ka dëshirë dhe e ndjenë me zemër për të ardhur në Kosovë, është i mirëpritur”./Indeksonline/