Ujkani: Kosova duhet të përgatitet për edicionin e ri të Ligës së Kombeve

Kosova do të përballet me Jordaninë në një ndeshje miqësore, ndërsa të dielën është mysafire e Greqisë për kualifikimet për në Kupën e Botës.

Para ndeshjes, Kosova ka mbajtur konferencë për shtyp ku foli edhe kapiteni Samir Ujkani.

Ujkani ka thënë se qëllimi i tyre është të përgatiten sa më mirë për edicionin e ri të Ligës së Kombeve.

“Dua të falënderojë fillimisht ish-trajnerin Bernard Challandes pasi kemi punuar disa vite së bashku”.

“Por tash është një kohë e re, i kemi dy ndeshje shumë të rëndësishme që të marrim rezultate pozitive dhe të kthejmë mentalitetin tonë”.

“Qëllimi ynë është të përgatitemi në mënyrën më të mirë të mundshme për edicionin e ri të Ligës së Kombeve”.

“Çdo lojtar që vjen te Kombëtarja mundohet të jap maksimumin. Kohëve të fundit kemi pasur rezultate më pak pozitive, duhet të rikthehemi sa më shpejtë te rezultatet pozitive”, ka thënë Ujkani. /Telegrafi/