Ujkani: Jemi të kënaqur dhe të motivuar për të hënën

Kapiteni i përfaqësuese së Kosovës, Samir Ujkani, u shpreh shumë i kënaqur me performancën e Kosovës.

Ekipi i Kosovës arriti të nxjerrë nëj barazim pa gola në udhëtim te Azerbaixhani në ndeshjen hapëse të Ligës së Kombeve.

Ujkani thotë se Kosov është e motivuar para ndeshjes të hënën ndaj Ishujve Faroe.

“Po, jemi të kënaqur me lojën sepse e kemi ditur se do ta kemi vështirë këtu në Azerbaixhan. Besoj se kemi mundur të përballojmë presionin në një fushë jo të lehtë. Vazhdojmë me rezultat pozitiv, por pasi që s’kemi pranuar gol kjo është mirë. Të hënën kemi ndeshjen në stadiumin tonë për herë të parë dhe natyrisht jemi të motivuar”.

“Natyrisht japim maksimumin ndaj ekipeve të mëdha, luajmë futboll, nuk gjuajmë vetëm topin përpara. Jemi duke u rritur si ekip dhe ka nevojë që ndonjëherë të bllokojmë lojën 5-6 minuta dhe kjo është mirë për të ardhmen e Kosovës”, u shpreh kapiteni Ujkani.

Kosova të hënën luan në stadiumin “Fadil Vokrri” ndaj Ishujve Faroe. /Telegrafi/