Ujkani: Ishte e rëndësishme ta nisim vitin me fitore, ndeshja me Suedinë do të jetë tjetër nivel

Përfaqësuesja e Kosovës ka triumfuar me rezultat 4:0 Litaninë miqësoren e zhvilluar në stadiumin “Fadil Vokrri” në Prishtinë, raporton Zeri.info.

Golat për “Dardanët” u shënuan nga Arbër Zeneli (2), Vedat Muriqi dhe Besar Halimi.

Portieri kosovar, Samir Ujkani ka deklaruar se kjo fitore ka qenë e rëndësishme që ta nisin vitin me fitore.

Ujkani ka potencuar se ndeshja kualifikuese me Suedinë do të jetë “tjetër nivel”.

“Ka qenë e rëndësishme ta nisim me fitore vitin 2021”, ka deklaruar Ujkani në “RTK”, përcjell “Zeri.info”.

“Ishte një fitore e jashtëzakonshme para dy ndeshjeve të mëdha me Suedinë dhe Spanjën. Besoj se me Suedinë ka me qenë tjetër nivel”, deklaroi ai.

Kjo ndeshje miqësore i ka shërbyer Kosovës për dy ndeshjet e para kualifikuese për Kampionatin Botëror “Katar 2022”.

Kosova më 28 mars i bën “konak” Suedisë në Prishtinë, kurse më 31 mars takohet me Spanjën në Sevillë. /Zeri.info