Ujkani: E rëndësishme që nuk pranuam gol, me Giresse më mirë se sa e kam pritur

Kosova ka arritur të shënojë fitore në ndeshjen miqësore ndaj Burkina Fasos të zhvilluar në “Fadil Vokrri” me rezultat të thellë 5-0.

Në këtë ndeshje kishte pesë shënues të ndryshëm, duke e nisur me Fidan Alitin, ndërsa pas tij shënuan edhe Astrit Selmani, Mërgim Vojvoda, Milot Rashica dhe Toni Domgjoni.

Pas ndeshjes, portieri dhe kapiten i Kosovës, Samir Ujkani ka pasur pas ndeshjes dhe është shfaqur shumë i kënaqur me fitoren e sotme.

“Ishte shumë me rëndësi që ta fillonim mirë, qëllimi ynë ishte të mos merrnim gola. Nuk ishte lehtë me një kundërshtar si Burkino Faso”.

“Me rëndësi fitorja erdhi dhe një rezultat shumë i bukur”.

“Giresse? Kemi një raport shumë të mirë direkt, është një person që flet historia për të, na kemi respekt të gjithë për të. Komunikimi po shkon më mirë se sa e kam pritë, pasi flet gjuhën franceze”, ka thënë Ujkani. /Telegrafi/