Uji, më i shëndetshëm sesa që kemi menduar

Uji është dëshmuar se kontribuon në shëndetin e përgjithshëm të njeriut, ndihmon në heqjen e kilogramëve të tepërt etj.

Hulumtimet e publikuara në revistën “Obesity” tregojnë se konsumimi i ujit ndihmon në djegien e kalorive, duke shkaktuar që t’i humbni deri në dy kilogramë për 12 javë, transmeton Telegrafi.

Veç kësaj, disa gota ujë janë si espreso për sistemin e djegies së yndyrës. Kjo pasi që, sipas studimeve gjermane, uji ndihmon në përmirësimin e metabolizmin brenda 30 minutave.

Prandaj, ekspertët shëndetësorë vazhdojnë t’i rekomandojnë njerëzit që t’i konsumojnë deri në dy litra ujë në ditë.