“Ujë Dea” vazhdon mbështetjen për studentët e mjekësisë në UP, investim në edukim dhe të ardhmen profesionale

Gjilan – DEA ka njoftuar se edhe gjatë vitit 2026 do të vazhdojë të mbështesë aktivitetet dhe ceremonitë më të rëndësishme të studentëve të mjekësisë pranë Universiteti i Prishtinës, në një iniciativë që po vlerësohet si një kontribut i rëndësishëm në përkrahje të arsimit dhe zhvillimit profesional të të rinjve.

Me moton “Së bashku për edukim, zhvillim dhe sukses”, kompania synon të jetë pranë studentëve në rrugëtimin e tyre akademik dhe profesional, duke mbështetur ngjarje që lidhen me avancimin e dijes dhe promovimin e vlerave edukative.

E themeluar në vitin 2004 në Kosovë, DEA është shndërruar në një nga emrat më të njohur në industrinë e ujit natyral dhe mineral në rajon dhe më gjerë. Kompania ka ndërtuar reputacionin e saj mbi cilësinë e lartë, standardet ndërkombëtare dhe besimin e konsumatorëve, duke depërtuar edhe në tregjet evropiane dhe botërore.

Përfaqësues të kompanisë theksojnë se përkushtimi ndaj komunitetit dhe mbështetja e të rinjve mbeten pjesë e rëndësishme e filozofisë së saj të punës. Sipas tyre, investimi në edukim dhe në gjeneratat e reja është investim në të ardhmen e vendit.

Nisma është mirëpritur edhe nga studentët, të cilët e kanë vlerësuar mbështetjen e vazhdueshme për aktivitetet akademike dhe organizimet studentore./rajonipress/