UEFA zgjedh driblimin e Rashicës si më të mirin nga ndeshjet kualifikuese për Evropian

Përfaqësuesja e Kosovës i ka mbyllur me sukses dy takimet që i kishte për muajin qershor, duke arritur të marrë një barazim dhe një fitore për kualifikimet në Kampionatin Evropian.

“Dardanët” barazuan 1-1 me Malin e Zi në Podgoricë, ndërsa me Bullgarinë fituan në Sofje me rezultat 2-3, me golat e Milot Rashicës, Vedat Muriqit dhe Elbasan Rashanit.

Kosova është aktualisht në Grupin A të kualifikimeve për Euro 2020 me pesë pikë në vendin e tretë, ku Anglia dhe Republika e Çekisë janë lider me nga gjashtë, ndërsa Mali i Zi dhe Bullgaria kanë nga dy pikë.

Milot Rashica ishte lojtari më i dalluar te “Dardanët”, duke arritur që të shënojë në Podgoricë, por edhe në Sofje, ndërsa UEFA e ka “shpërblyer” atë.

Anësori shqiptar kishte një paraqitje të jashtëzakonshme ndaj Bullgarisë, ndërsa UEFA ka kapur një sekuencë kur ai e driblon një lojtar kundërshtar. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).