Udhëzime për zhvillim të suksesshëm të shtetit dhe demokracisë
Nga Demir Krasniqi, Parodi humori e satire –
Kur ka probleme Republika –
N’ Kuvend – rrihuni me karrika !
Kur ka probleme demokracia –
N’ Kuvend – rrihuni me kacia !
Kur ka marramendje të kresë –
N’ Kuvend – sillni gaz lotsjellës !
Kur prekë macja përsheshin –
Me protesta mbylljani sheshin !
Kur t’ bëjnë dikush me bë festa –
Mbylljani sheshin me protesta !
Për t’i thyer dikujt kreshta –
Sa ma shumë mbani protesta !
Ndo ‘i ministër si t’ mërdhezet –
Në Kuvend gjuajani vezët !
Kur ta rrokin popullin krizat –
Në Kuvend premtojuni vizat !
Për me i qitë udhëheqësit n’ male –
Sa ma shumë fushata elektorale !
Si t’ ua shtojë dikush neverinë –
N’ Kuvend rrëzojeni Qeverinë !
Në pozita si t’ ngopeni vidhje –
Në Kuvend kërkoni zgjidhje !
Për pozita kush nuk ju jep vota –
Në Kuvend gjuajeni me gota !
Si t’ a keqpërdorë dikush pushtetin –
N’ Kuvend rrëzojeni Presidentin !
Kush n’ pozitë kërkon të parin –
N’ Kuvend rrëzojeni Kryetarin !
Si t’ keqpërdorë dikush misrin –
N’ Kuvend rrëzojeni Kryeministrin !
Si t’i rrokë ndryshku mistritë –
N’ Kuvend rrëzojini ministritë !
Si t’ ju mbajë dikush fjalime –
N’ Kuvend priteni me ofendime !
Nëpër fonde si t’ bëjnë shpërlarje –
Në Kuvend priteni me sharje !
Kush do t’ mbajë fjalime t’ shtrembra –
Në Kuvend priteni me shqelma !
Kush iu shtinë rrugëve të ngushta –
Në Kuvend priteni me grushta !
Kush mbanë fjalën me hyxhym –
Në Kuvend priteni me ty !
Kush premton punë me mashtrime –
N’ Kuvend priteni me shkarkime !
Kush pozitën e mbanë me gëzime –
Në Kuvend priteni me rrëzime !
Gjilan, më 19.06.2019.
Demir Krasniqi