Hidromorava

Udha e mbarë njeri!

/ 2 minuta lexim
Uji Dea

Nga Nexhat Buzuku – Dedikim për njeriun, qytetarin e gazetarin Hasan Bunjakun.

Yjet largohen ngadalë por nuk shuhen, se prapa lënë dritë me i ndriçue udhët…
A e keni dëgjue sot gurgullimën e ujit tek zdirgjet lumit Dobrusha rrëzë shtëpisë së Hasanit-, jo, se Hasani e ka ndërrue vendbanimin…!
U nis udhës së moçme të cilës i bien të gjithë…
Nuk e di a e kishte kurdisur sahatin para se me marr udhën e fundit!
Një zë qetësues si puhizë ere më pëshpëriti: Ai njeriu që kalonte kësaj udhe me çantën n’krah u nis dje…
Ai ka shkue bash si shpendi shtegtar që e përgatit moti i ashpër me u nis larg…në vendin e qetë.
Po sot, a e ka pa dikush duke kapërcye udhën në Balec…
Po, po, ka shkue atje, larg…ka me takue djalin e vet, Tanin (Artanin)!
Ah!
Ai qe dhe mbeti gardian i fjalës së shkruar, të qëndisur me artin estetik, me bukuri shprehjesh e trajtash, figurash e metatemash e “Gjakimi i pafat”…, i veçantë, i papërsëritshëm në stilin e shkrimit.
Ai që shkrimtar gazetarie dhe gazetar i letrave letrare.
Ai qe mjeshtër i shkrimit, qoftë lajm, raport kronikë, reportazh…
Njeri paqësor, i shquar në pedantëri, elegancë e saktësi.
Ai e mbylli kapitullin e jetës, paskëtaj mbeten gjurmët që la në letrat e shkrimit.
Udha e mbarë ikonë, mos harro me u çue të fala atyre…krejtëve, nga qyteti.
Lamtumirë legjendë!

KKVITI

/N. B./

/Hasan Bunjaku u shue dje, me 22 mars 2024, është varrosur sot, me 23 mars 2024, në Gjilan.
Jetoi e veproi në qytetin e Gjilanit.
Ishte 80 vjeçar./